WASHINGTON, AP.- E gobièrnu di presidente Donald Trump ta konsiderando un redukshon adishonal den e kantidat di refugiado permití den Merka.
Ya Trump a yega di kòrtá den límite di refugiado anteriormente. Awor, e ta komplementando pa limitá esaki ainda mas pa otro aña fiskal.
Sin embargo, manera ta pasa regularmente den gobièrnu di Trump, e funshonarionan ku ta forma parti di e gabinete ta dividí miéntras algun ta evaluá kosto i riesgo potensial relashoná ku seguridat ku ta vinkulá ku e programa.
Departamento di Seguridat Nashonal a sugirí ku e kantidat di refugiado permití den e pais mester wòrdu redusí na 40.000. Departamento di Estado, kual ta supervisá e programa a rekomendá pa mantené esaki na 50.000.
Esaki ta segun funshonarionan gubernamental ku a papia ku kondishon pa keda anónimo pa asina diskutí riba debatenan interno.
