WASHINGTON, AP.- E kantidat di inmigrantenan detené na frontera sùit di Merka a superá 100.000 durante e di dos luna konsekutivo, miéntras outoridat federal ta lidia ku un volúmen kresiente di famianan sentroamerikano ku ta yega e pais.
E hefe di Patruya na Frontera, Carla Provost, a bisa na senadornan djárason ku e kantidat di aresto a subi i ku mester a kita e agentenan di hasi otro tarea pa asina kuida e muchanan arestá.
“Nos no por sigui atendé ku e krísis aki dor di desviá mas rekurso”, segun provost.
Segun sifranan di Departamento di Seguridat Nashonal, 109.144 inmigrante a wòrdu detené den aprel, inkluyendo mas di 58.000 famia i 8.800 menor di edat no kompañá pa adultonan.
E senadornan demókrata ta bisa ku e mesun polítikanan migratorio frakasá di Trump, manera e sero toleransia ku a fèrsa separashon di famianan, a kontribuí na e krísis na frontera. e senador di Illinois, Dick Durbin, a bisa ku e polítikanan migratorio di Trump ta kruel i inefektivo.
Sinembargo, e legisladornan di ámbos partido ta di akuerdo ku mester resolvé e krísis na frontera.
Kas Blanku a pidi 4.500 mion dòler adishonal pa yuda lidia ku e kantidat di migrantenan.
