WASHINGTON, AFP.- E vise presidente merikano Kamala Harris a anunsiá kompromisonan nobo di invershon di e sektor privá den Sentro Amérika, komo parti di un plan ku ta tuma mas di 1200 mion di dòler for di despues ku a lansa esaki na mei pa enfrentá e kousanan di imigrashon.
Dia 27 di mei Harris a lansa un plan pa e empresanan envolví den sosten di manera sostenibel na migrashon pa medio di oportunidatnan ekonómiko.
Entre e inisiativanan presentá ta figurá Care International, Cargill, Grupo Mariposa, Parkdale Mills, PepsiCo, JDE Peet’s i PriceSmart. Ademas Mastercard, Microsoft i Nespresso a anunsiá proyektonan nobo den e region ku ta suma na e kompromisonan na mei. Komo resultado, e invershon ta yega mas di 1200 mion dòler.
Harris a hasi e anunsio di klousura den un konferensia virtual konvoká pa e departamentu di estado, Kámara di Komersio di Merka i The Partnership for Central Amérika, ku a atraé mas di 1300 lider empresarial gubernamental i di e sosiedat sivil.
