CIUDAD DE MEXICO, MEXICO (AFP).- Gobièrnu di Mexico a presentá un informe hopi diskutí segun kua a lokalisá 16.681 persona reportá komo hendenan ku a disparsé. Nan tin esaki den un registro nashonal ku ta reuní 110.000 kaso, e gran mayoria for di 2006 i ku ta ligá ku e violensia di narkotráfiko.
Despues di a profundisá den e base nashonal, ku ta reportá kasonan for di 1961, a bin topa ku 110.964 registro (di desaparishon), 15% a a keda lokalisá segun e sekretario di gobernashon, Luis Maria Alcalden.
E presidente Andrés Manuel López Obrador a anunsiá algun luna pasá ku lo revisá di forma detayá e registro nashonal di desaparishonnan pa motibu ku tin sospecho ku esaki ta hinká den otro na un manera malisioso.
E proseso aki tabata blanko di krítika di parti di defensornan di derechinan humano, tambe polítikonan di oposishon i famianan di esnan ku a disparsé, kendenan ta akusá gobièrnu di ta buska pa baha e sifranan.
“No ta skrap ningun nòmber, inkluso di e 16.681 ku a keda identifiká, nota skrap nan”, segun e mandatario a duna di konosé. Te ku ayera, e registro di personanan ku a disparsé a suma 113,322 kaso.
