MEXICO, MEXICO, AFP.- México a vakuná mas di 28.030 trahadó den e sektor di salú kontra COVID-19 ku vakunanan di Pfizer i BioNTech, kumpliendo ku mas di 20% di e promé etapa di su programa nashonal di inmunisashon, segun indikashon di gobièrnu.
A kuminsá ku e kampaña vakunando un enfermero di 59 aña i despues di esaki tur personal médiko den otro partinan di e pais pa proveé e promé dósis, segun indikashon di e minister di finansa Claudia Sheinbaum.
Segun e programa 125.000 trahadó di salú lo haña e vakuna.
E vakuna di Pfizer/BioNTech ta rekerí dos dósis pa persona ku un ‘interval’ di 21 dia. e gobièrnu tin 250.000 vakuna pa kompletá e promé etapa ku lo kulminá den febrüari.
