KHARTOUM, SUDAN, AFP.- Míles di manifestante sudanes a protestá den e kapital djadumingu, pa eksihí fin di e gobièrnu militar i konfrontashonnan entre tribunan ku a kousa mas ku 100 morto, segun koresponsalnan di AFP.
E manifestantenan ke pa Abdel Fattah al-Burhan baha. E ta e hefe di ehérsito ku tabata na kabes di un gòlpi aña pasa ku a pone fin na e transishon di un gobièrnu sivil despues ku a kita presidente Omar al-Bashir na aña 2019.
Desde e temporada aki a realisá protestanan kasi tur siman, apesar di e represhon mortal ku a laga por lo ménos 116 persona morto, segun dòkternan pro demokrasia.
Riba 11 di yüli, tabatin vários konfrontashon entre tribunal pa un disputa teritorial den estado na sùit di estado Blue Nile, lagando por lo ménos 105 persona morto i 291 heridá, kousando protestanan eksihiendo hustisia.
Aktivistanan na fabor di demokrasia a akusá lidernan militar i èks rebeldenan di Sudan ku a firma un akuerdo di pas di 2020 a empeorá tenshonnan étniko pa nan propio benefisio polítiko.
