PARIS, FRANSIA, AFP.- Minister di Ekonomia di Brasil, Paulo Guedes, a deskartá privatisashon di Petrobras “den e mandato aki” i a minimisá e impakto di retiro di e presidente di e empresa.
E minister a bisa ku su soño ta pa privatisá e empresa estatal, manera e ke hasi ku e empresa eléktriko Eletrobras “promé ku fin di aña”, i tambe servisio di pòst, hafnan i tambe aeropuertonan.
El a agregá ku e retiro di presidente di Petrobras Joaquim Silva e Luna, lo no kombertí den un “faktor importante”. E mandatario a nombra Silva e Luna komo presidente di Petrobras den febrüari 2021, pa motibu ku e tabata malkontentu ku oumentonan konstante di preis ku e empresa tabata apliká.
Oumento di preis ta perhudisial pa e presidente su popularidat den elekshonnan, ounke enkuestanan ta mustra ku èks presidente iskierdista Luiz Inacio Lula da Silva ta mas popular.
