HANOI, VIETNAM, AP.- E sifra di fayesementu pa inundashon i áwaseru intenso generá pa un depreshon tropikal na Vietnam a oumentá na 68, i 34 persona ta pèrdí, segun indikashon di outoridat. E desasternan a laga 32 herido, daña infrastruktura, segun indikashon di Outoridat di Maneho di Desaster di Vietnam den un komunikado.
E tormenta a asotá e nashon na sùitost asiátiko djamars, i desde e tempu ei outoridat tabata konfrontando e konsekuensianan. Funshonarionan di desaster den e provinsia na nort di Hoa Binh, kaminda 20 persona a muri i kual a wòrdu konsiderá komo esun mas asotá, a indiká ku 300 sòldat, polis i milisiano ainda ta buska ocho persona ku a disparsé bou di e avalancha.
Mientrastantu, e tormento tropikal Khanun ta debilitando segun esaki ta desplasá rumbo pa Golfo di Tonkin, i ta wardando áwaseru na nort i sentro di Vietnam.
