SEUL, SURKOREA, AFP.- Norkorea a tira un misil interkontinental (ICBM), segun indikashon di Surkorea i Hapon. Esaki ta e tèst di mas potente di Pyongyang desde 2017.
Djabièrnè mainta, e agensia estatal norkoreano KCNA a konfirmá ku e lansamentu di “un tipo nobo” di ICBM, yama Hwasong017, a wòrdu ordená pa e lider norkoreano Kim Jong Un, i ku e proyektil a alkansá su ophetivo den laman di Hapon.
Norkorea a desplegá desénas di ensayo e aña aki den un serie sin presedente, desafiando sanshonnan di Nashonnan Uní pa motibu di e desaroyo di su programa nuklear.
Pyongyang a suspendé tur prueba di alkanse largu miéntras Kim Jong Un tabata partisipá den negosiashonnan ku eks presidente merikano Donald Trump, kual ta stanka for di 2019.
