BUDAPEST, AP.- E manifestantenan kontra di e reformanan laboral resien na Hungria a baha den su di seis dia pero e legisladónan di oposishon a primintí djamars di buska e kamindanan legal i parlamentario pa kombatí e gobièrnu, ounke despues di un sosiegu durante temporada di Pasku.
Entre 150 pa 200 persona a reuní pafó di parlamento húngaro na Budapest un redukshon konsiderabel kompará ku e kasi 2 mil ku a enfrentá polis e anochi promé na sede di televishon estatal MTVA.
Un legisladó di oposishon a keda hospitalisá djaluna despues di un enfrentamentu ku guardianan di seguridat di MTVA; e eksámennan a revelá gòlpinan interno pero no a presentá fraktura.
Otro tres tabata keha di maltrato., Timea Szabo legisladó di partido di sentro iskierda Diálogo, a bisa ku oposishon ta sigui komprometé den kombatí e kambionan di lei ku gobièrnu a kuminsá kuné refiriendo na oranan èkstra.
“Nos tin plania aktonan di desòrdu sivil, blòkiamentu di kayanan ku sindikatonan i mas manifestashonnan”, asina Szabo a bisa na periodistanan ekstranhero.,
El a nenga na duna detaye, tantu pa nesesidat di kordiná e akshon i mantené esaki un sorpresa.
