ABU DHABI.- E invashon ruso riba Ukrania a manda olanan di shòk den Europa i tambe na Merka. Pero e region ku hopi lo ke pa e keda trankil ta Medio Oriente. E konflikto aki lo por trese problema serio pa e reservanan di alimento mundial. T’asina ku Ukrania i Rusia ta sòru pa 23% di e eksportashon di grano na mundu. Preisnan global di kuminda ya ta na un altura di mas ku dies aña.
Medio Oriente ta e kumpradó di grano mas grandi serka Ukrania. Un 40% di e eksportashonnan di grano a bai pa Medio Oriente òf Afrika so. Pero Fondo Monetario Internashonal ta proyektá ku gastunan di energia i preis di komodidat lo por subi den hopi pais.
