MOSCOW, RUSIA, AFP.- Outoridatnan di okupashon ruso na sùit di Ukrania a anunsiá evakuashonnan di sivilnan djamars den region di Kherson, kaminda ya 70.000 persona a sali, miéntras Ukrania ta avansá ku su kontra atake.
“Mi a disidí pa amplia e zona di evakuashon te ku 15 kilometer di e riu Dnieper, segun indikashon di e gobièrnu di Moscow na Kheron, Vladimir Saldo, den un mensahe publiká riba Telegram.
“Lo apliká medidanan di evakuashon forsa desde 6 di novèmber pa tur esnan ku keda” na e sitio”, asina e atministrashon di Kajova a anunsiá, un di e lokalidatnan inkluí den e zona ku a amplia.
Saldo a añadí ku a tuma e desishon mirando e riesgo di un “atake ku misil” kontra un dam di Dnieper, kual su destrukshon lo kousa un inundashon den e region.
