SAO PAULO, BRASIL, AFP.- E visepresidente elektor di Brasil, Geraldo Alckmin lo kordiná e transishon pa e futuro di gobièrnu di Luiz Inacio Lula da Silva ku e atministrashon saliente, segun anunsio di e presidente di PT (Partido dos Trabalhadores.
E èks gobernador di São Paulo, antiguo opositor i kompañero aktual di formulá di e lider iskierdista “tin mas ku legitimidat, poder polítiko i institushonal pa kondusí” e proseso, segun indikashon di Gleisi Hoffman, e presidente di PT, kende a hasi e anunsio despues di un reunion ku Lula na São Paulo.
E intenshon di e ekipo di Lula ta pa kuminsá ku e proseso for di djaweps, asina el a agregá.
Alckmin a tene e promé kontakto di nivel haltu ku e atministrashon di Jair Bolsonaro, ku un komunikashon telefóniko ku e visepresidente aktual, Hamilton Mourao.
E ultraderechista, Bolsonaro, no a rekonosé resultado di elekshon presidensial ku Lula a gana ku 50,9% kontra 49,10%.
Un di e “promé fokonan” di e ekipo di Lula “lo ta e situashon di presupuesto” i fiskal” segun indikashon di e presidente di PT.
E presidente lo asumí e puesto ofisialmente riba 1e di yanüari.
