SIUDAT DI VATIKANO, AP.- Papa Fransisco a ofresé diskulpa pa pusha man di un muhé ku a kue su man tene.
Den su deseonan di Aña Nobo, Fransisco a konfesá ku el a pèrdè pasenshi ku e muhé miéntras e tabata saludando fielnan ria e plaza djamars anochi. E tabata atmirando representashon di Hesus su nasementu.
Kámaranan a kapturá e esena na momentu ku e muhé a ekstendé su man i gara man di papa. N’e momentu aki papa Fransisco a pusha e dama su man violentamente. Fransisco a reakshoná un tiki brutu, el a bisa algu i despues el a pusha e muhé su man pa esaki lag’é bai.
Fransisco a bisa ku “mayoria biaha nos ta pèrdè pasenshi. Ami tambe. Pero mi kier diskulpá pa e mal ehèmpel di djamars”.
