SIUDAT DI VATIKANO, AP.- Papa Fransisco a hasi un yamada na e gobièrnunan pa sigurá ku tur su siudadanonan ta haña akseso adekuá na kuido médiko.
Den un mensahe anual, e pontífise a pidi e institushonnan di kuido médiko i gobièrnunan rònt mundu pa “no keda sin atendé ku e hustisia sosial aki”.
E pontífise a lamentá ku mayoria personal no tin kuido médiko dor ku nan ta biba den pobresa. El a ekspresá na fabor di solidaridat pa sigurá ku tur hende ta haña e atenshon ku nan mester pa keda saludabel i rekuperá di nan enfermedatnan.
Fransisco a pone atenshon riba e tragedia kaminda diferente personal médiko a wòrdu ataka durante diferente guera i konflikto violento. “Poder polítiko tambe ta manipulá kuido médiko na su fabor” den algun pais, ounke e no a menshoná ningun situashon spesífiko.
