NEW YORK, MERKA, AFP.- Polis a bui i spùit peper spray riba un mucha muhé di 9 aña den siudat di Rochester, segun imágennan publiká djadumingu.
E hefe di polis Andre Anderson a bisa ku e mucha muhé tabata sufri di problemanan mental grave i a menasá ku e lo kita su propio bida i esun di su mama.
Ofisialnan a presentá na e esena djabièrnè i a bui e mucha. Nan a purba hink’é den outo i a spùit peper spray dor ku el a resistí, segun imágennan di kámara di polis publiká pa e departamento di polis
Polis di Rochester a bisa djasabra ku tabata ‘nesesario’ pa bui e mucha i usa e spray kontra e mucha pa su propio seguridat.
E alkalde Lovely Warren a kondena uso di forsa kontra e mucha hóben aki, pidiendo pa revisá e siudat su práktikanan di lei.
E hefe di polis lokal Herriot-Sullivan a bisa ku e polisnan a aktua ku forsa eksesivo. Pero polisnan lokal a defendé e akshonnan aki bisando ku “skarsedat di rekurso” a pone ku e polisnan no tabatin otro opshon i mester a opta pa spùit peper spray riba e mucha.
