OTTAWA, CANADA, AFP.- Polis federal di Canada a suspendé ayera un kontrakt di suministro i mantenshon di ekiponan di radio di polis, firmá ku un empresa vinkulá ku China, ku a provoká un kantidat di reakshon polítiko, asina e ofisina di minister di seguridat públiko a informá.
E kontrakt di mei mion di dòler pa un sistema di filtrashon di radiofrekuensia pa evitá ku ta skucha esaki klandestinamente, ta den man di e kompania kanades Sinclair Technologies i kontrolá pa e chines Hytera Communications.
Pero despues a kuminsá preokupá riba e posibel akseso chines den e komunikashonnan di Real Polis Montada di Canada, ya ku e empresa ku sede na Shanzhen a keda inkluí riba e lista pretu di Merka, i ta parti di propiedat di gobièrnu di pais asiátiko.
“RCMP a suspendé e kontrakt”, asina e bosero di e minister di seguridat públiko Marco Mandicino a bisa AFP.
