PARIS, FRANSIA, AFP.- Iran a hiba ayera su promé ehekushon konosí pa vinkulashon den protestanan pa morto di Mahsa Amini, horkando un hòmber kondená pa a blòkia un kaya i a heridá un miembro di forsa para militar Basij.
Iran ta biba un ola di protesta despues di morto dia 16 di sèptèmber di Mahsa Amini, un iraní kurdo di 22 aña ku a muri despues di a keda arestá pa polis di moral pa faya ku e kódigo di bistimentu di e pais, ku ta obligá e hende muhé na bisti velo.
“Mohsen Shekari, un persona ku a hasi bochincha i a blòkia e bulevar Sattar Khan dia 25 di sèptèmber i a kòrta ku machete un Basij a keda ehekutá ayera mainta, na e kapital iraní”, asina e agensia di poder hudisial Mizan Online a indiká.
