WARSAW, AP.- Polítikonan na Polonia a kritiká e aktonan violento kontra e promé desfile di derechi LGBT den siudat di Bialystok, na parti wèst di e pais.
Polis a bisa ku 28 “hooligans” a wirdy detené i demanda pa interumpí un reunion legal.
Polis a publiká imágennan di por lo ménos dos hòmber ku a tira bòter i piedra kontra polis i manifestantenan djasabra. Polis a usa gas lakrimógeno kontra nan.
E minister di Interior Elzbieta Witek i e vise promé minister Beata Szydlo, a kondena e aktonan violensia i a pidi e pueblo ta mas tolerante.
E bosero di Iglesia katóliko romano di Polonia a bisa ku “violensia i falta di rèspèt” ta inaseptabel.