MADRID, AP.- E promé minister di Spaña, a rekonosé ku ainda mester di un kantidat di voto pa logra forma un gobièrnu. E debate parlamentario a tuma lugá despues di un fin di siman tenso, despues ku Partido Sosialista di Pedro Sanchez a reuní ku e partido derechista Unidas Podemos pa yega na un akuerdo pa krea un gobièrnu di koalishon.
“Mi ta proponé un gobièrnu progresista, ekológiko, feminista i europeista”, segun indikashon di Sanchez den Kongreso di Diputado.
Partido Sosialista di Sanchez ta esun ku a haña mas voto durante elekshon di 28 di aprel ku 123 asiento. Pero e partido mester di 42 asiento di Unidas Podemos i algun partido chikitu pa keda na poder.
Sanchez mester haña un mayoria apsoluto di 176 di 350 diputado. Si esaki no keda realisá, lo bolbe vota djaweps.
Spaña lo haña un tempu límite di dos luna pa forma un gobièrnu òf realisá elekshon si tur dos votamentu frakasá.
