SEUL, AP.- E sekretario di Estado Mike Pompeo a terminá su bishita na Norkorea kaminda el a reuní ku e lider Kim Jong Un pa purb’e konvens’é pa bandoná su armanan nuklear.
Pompeo, despues di a yega Seul, e kapital surkoreano, a tweet di a reuní ku Km i “nos ta sigui avansá den e akuerdonan hasi den e kumbre na Singapur. Danki ku ami i mi ekipo por a keda akinan”.
Pompeo a biaha pa Pyongyang prosedente di Tokio, kaminda el a reuní ku e promé minister hapones i a primintí di koordiná ku e paisnan di e region pa logra e desnuklearisashon den e península koreano. Hapon a mustra sierto duda pa ku e inisiativa, pero Surkorea a sostené esaki.
