WASHINGTON, AP.- E asesor di seguridat nashonal di presidente Donald Trump a laga habri e posibilidat ayera djadumingu ku Merka lo tuma mas medida militar kontra Siria despues di atake ku misil siman pasa, pero a bisa ku e merikanonan no ta trata di derota unilateralmente e mandatario sirio Bashar Assad.
Den su promé entrevista na televishon HR McMaster a destaká dos meta di Merka pa derotá e grupo di estado Islámiko i destituí Assad. Sinembargo el insinuá ku Trump ta spera ku e aliadonan di Washington lo buska komo kontesta ku e aliadonan global un kambio di régimen, meskos ku Rusia, a bisa ku mester reevaluá su apoyo na Siria.
“Ta hopi difísil komprondé kon por yega na un solushon polítiko ku komo permanensia e régimen di Assad”, asina McMaster a bisa.
“Awor nos no ta bisando ku nos ta esnan ku ta bai efektuá e kambio. Loke nos ta bisando ta ku otro paisnan tin di hasi nan mes preguntanan difísil pa kontestá. Rusia mester puntra su mes dikon nos ta apoyando e régimen asesino ku ta masakrando su propio pueblo?’.
Despues di e atakenan ku armanan kímiko na Siria djamars pasa, Trump a sigurá ku su aktitut pa ku Assad a kambia hopi i e sekretario Rex Tillerson a detayá ku a tuma medida pa organisá un koalishon pa destruyé.
