OUREM, PORTUGAL, AFP.- Kasi 1.500 bombero ta luchando pa kontrolá tres kandela na Portugal, ku ta kimando pa algun dia kaba den sentro i nort di Portugal.
Gobièrnu a subi e nivel di alerta deklarando un “estado di kontigensia/emergensia” i a pidi Union Europeo pa yuda su bomberonan. Spaña a manda dos avion pa yuda paga e kandelanan.
E minister di Interior, Jose Luis Carneiro, a señalá ku e temperatura den e pais por subi na 45 grado Celsius i a afirmá ku Portugal ta enfrentando e “kombinashon di faktor di mas pió” desde e kandelanan ku a asotá e pais entre yüni i òktober 2017, i ku a laga un sentenar di morto.
