JOHANNESBURG, AP.- E kasá di presidente di Zimbabwe a wòrdu akusá di ataká un hóben den un hotèl luhoso na Suráfrika, pero e no a paresé den korte djamars manera mester a sosodé. Asina polis a indiká.
Ainda e paradero di Grace Mugabe di 52 aña no ta evidente. E minister di Polis, Fikile Mbalula, a bisa den un video publiká pa emisora lokal eNCA a bisa ku el a entregá na polis. Pero un bosero polisial, Vishnu Naidoo, a bisa ku no tabatin detenshon.
E kaso a atraé atenshon un biaha mas tokante kasá di e hefe di estado mas ansiano na mundu, presidente Roberto Mugabe di 93 aña. Luna pasá el a reta su kasá públikamente pa nombra un susesor i a presentá komo un posibel postulante pa elekshon di otro aña, debí na su edat avansá.
Gabriella Engels, un modelo di 20 aña, a akusá Mugabe di atake na momentu ku el a bishitá yunan di Mugabe den un hotèl den un bario luhoso den Johannesburg. El a bisa ku e bodyguard di e promé dama no a opservá kon e víktima a wòrdu ataká.
Engels a publiká vários potrèt riba retnan sosial, mustrando un herida na su kurpa, komo resultado di e atake manera el a bisa.
Polis a konfirmá ku un muhé di 20 aña a denunsia un kaso di asalto ku intenshon di kousa daño korporal grave. Pero no por a nombra e persona akusá debí ku e no a paresé dilanti di korte ainda.
