LONDON, REINO UNI, AFP.- Promé minister Boris Johnson, kende a kousa indignashon ku e skandal di fiestanan riba Downing Street durante lockdown, a sobrebibí un moshon di sensura djaluna.
E premier a wòrdu menasá ya pa vários luna pa e skandal konosí komo “partygate”. Pero solamente 148 di 359 diputado konservador a vota kontra e promé minister, kende a haña 211 voto di sosten.
Mirando ku e promé minister a sali viktorioso, no por intentá un voto di konfiansa interno durante un aña largu. Sinembargo, e kantidat di diputadonan ku a ekspresá den su kontra e lag’é bastante debil.
