KIEV, UKRANIA, AFP.- Presidente Vladimir Putin a imponé lei marsial (staat van beleg) riba kuater teritorio ukraniano aneksá pa Rusia i outoridatnan di okupashon a kuminsá evakuá sivilnan di siudat di Kherson segun Ukrania ta sigui kontra ataká.
“Mi a firma un dekreto pa imponé e lei marsial” riba kuater entidat aneksá fin di sèptèmber na sùit i ost di Ukrania, asina Putin a bisa den un reunion ku Konseho Nashonal di Seguridat, refiriendo na regionnan di Donatesk, Lugansk, Kherson i Zaporizhzhia.
E lei marsial di Rusia ta reforsá e poder militar, apliká tokenan di keda, limitá desplasamentu, imponé sensura militar riba telekomunikashon, prohibí konsentrashonnan públiko i detené tur siudadano estranhero, entre otro medidanan.
Outoridatnan di Rusia a informá ku a kuminsá ku evakuashon di Kherson, e promé siudat konkista pa trupanan di Moscow na komienso di e invashon ukraniano riba 24 di febrüari. Aktualmente Kiev ta rekuperando vários teritorio na ost i sùit di e pais.
 riba teritorionan ukraniano aneksá){kind=link}