MOSCOW, AP.- E presidente ruso, Vladimir Putin, a revelá djamars ku e ta sostené un proyekto di reforma konstitushonal ku lo dun’é e posibilidat pa wòrdu reeligí na aña 2024. Esaki ta suspendé un lei ku ta limitá dos mandato konsekutivo.
E lei nobo ta habri kaminda pa e presidente ruso di 67 aña keda na poder te ku 2036 si e ta deseá esaki.
Putin tin mas di 20 aña na poder, superando e diktador soviétiko Josef Stalin. Despues di a kumpli ku dos mandato presidensial entre 2000 i 2008, el a okupá e puesto di promé minister miéntras Dmitry Medvedev a fungi komo presidente.
Oponentenan di Kremlin a konsiderá e medida komo un manipulashon síniko i a primintí ku lo protestá kontra esaki.
