BOGOTA, COLOMBIA, AFP.- Kuater mucha indígena Murui a wòrdu asesiná den Amazonia kolombiano, pa desendientenan ku a akordá un tregua ku gobièrnu, segun indikashon di outoridatnan djadumingu.
Rebeldenan a reklutá e menornan kontra nan boluntat, segun indikashon di komunidatnan indígena den e área. E rebeldenan ta èks integrantenan di Forsa Armá Revolushonario di Colombia (FARC) ku a sera un akuerdo di pas ku gobièrnu na aña 2016, desarmando e gueria.
E ombudsman di e pais a bisa den un komunikado ku e “kuater muchanan i hóbennan, miembro di e komunidat indígena Murui”, a wòrdu ehekutá na frontera entre departamentonan di Caqueta i Amazonia. Frente Carolina Ramirez, un disidente di FARC a ehekutá e muchanan.
E frente ta entre gruponan ku a aseptá un tregua proponé pa e gobièrnu vários luna pasá. Aktualmente nan ta wardando pa inisiá ku kombersashonnan di pas ku e gobièrnu di presidente Gustavo Petro.
Petro, e promé presidente iskierdista den historia di Colombia, a inisiá kombersashonnan ku mayoria grupo arma, ku speransa di pone fin na violensia den e pais.
