DEN HAAG, HULANDA, AFP.- E Agensia Europeo di Medikamentu (EMA) a sigurá djamars ku no tin prueba di efektonan negativo di e vakuna kontra COVID di AstraZeneca i ku ta “konvensí” den e vakuna su benefisionan. OMS ta evaluando e kuestion di suspenshon di vários pais den Europa, kaminda mas di 900.000 persona a muri komo kousa di e vírus.
“Nos ta konvensí den benefisionan di e vakuna di AstraZeneca i ku esaki ta mas haltu ku e riesgonan di efekto segundario”, segun indikashon di Emer Cooke, direktor ehekutivo di e regulador europeo ku sede na Hulanda.
Mas o ménos diessinku pais a suspendé uso di e vakuna komo prekoushon despues ku a señalá problemanan di salú entre esnan vakuna. E paisnan aki ta inkluí Alemania, Spaña, Fransia i Italia.
