LONDON, REINO UNI, AFP.- Reino Uní tin un variante nobo di Corona vírus kual ta mas kontagioso i posiblemente mortal, i a kombertí den e promé pais europeo pa superá 100.000 morto.
E pais ta pasando den un terser ora desde a deskubrí e mutashon di e vírus aki kual ta entre 30% i 70% mas kontagioso segun sientífikonan britániko. E gobièrnu a haña kritiká desde komienso di e pandemia pa forma kon a atendé ku esaki.
E pais a tarda pa suministrá material di protekshon na su personal di salú i a duda pa imponé uso obligatorio di masker, i tambe resistí pa apliká e promé i di dos lockdown i kontrolá biahenan internashonal.
E pais a reportá 1.631 morto mas den e último 24 oranan, subiendo e kantidat total na 100.161 morto segun dato di e ministerio di salú.
E gobièrnu britániko ta enfokando su strategia riba e kampaña masivo di vakunashon ku a kuminsá 8 di desèmber. Desde e fecha aki e pais a vakuna 6,8 mion persona ku vakunanan desaroyá pa Pfizer/BioNTech i AstraZeneca/Oxford i tin e meta pa vakuna 15 mion pa febrüari. Tur esnan inkluí den e kampaña ta riba 70 aña, personal di salú òf personanan ku problema grave di salú.
