RIDGECREST, CALIFORNIA, MERKA, AP.- Outoridat na sùit di California a ekspresá un gran alivio ku e daño nan no tabata mesun grave ku loke nan a pensa. Pero nan a ekspresá preokupashon pa e posibel réplikanan fuerte durante e próksimo dia i simannan, komo konsekuensia di e temblor di 7,1 ku a afektá e siudat djabièrnè.
Outoridat no a registrá ningun morto ni personanan leshoná despues di e temblor grave aki. Esaki ta e temblor mas intenso ku a afektá e region den e último 20 añanan ku a pasa.
Funshonarionan a registrá e temblor ku un episentro di 18 kilometer di Ridgecrest, e mesun ÁREA kaminda tabatin un temblor di 6,4 apénas un dia promé.
E mandatario estatal a kalkulá ku e impakto ekonómiko ta mas di 100 mion dòler i a afirmá ku presidente Donald Trump a tuma kontakto kuné pa sostené e rekonstrukshonnan nesesario.
Ekspertonan a atvertí ku e área di Ridrgecrest por registrá 30.000 réplika durante e próksimo seis lunanan.