ROMA, AP.- Papa Fransisco a bisa djadumingu ku e komunidat internashonal no mester tolerá aktonan violento manera e atake aéreo kontra un sentro di migrante resientemente na Libia.
Fransisco a resa pa e víktimanan di e atake djárason, kual a provoká por lo ménos 44 persona morto i lagando mas di 12 herida. Segun Nashon Uni esaki un posibel krímen di guera.
Aparte di esaki, el a rekordá e víktimanan ku a muri resientemente na Afganistan, Mali, Burkina Faso i Niger.
E atake den e sentro di migrante na Libia a kousa pregunta tokante e polítikonan di Union Europeo pa koperá ku gruponan milisiano ku ta detené migrante den sentronan sobrepobla pa evitá ku nan ta krusa Mediteráneo i yega Europa.