SANTO DOMINGO, AFP.- E gobièrnu di República Dominicana a hasi mas fuerte e toke de keda imponé pa e pandemia di COVID-19 i a ordená e klousura di espasionan públiko manera bar i gimnasionan despues di a registrá un oumento di kasonan di kontagio.
E vise presidente Raquel Peña a indiká ku dia 31 di desèmber e restrikshon di salida ta kuminsá 7 or di anochi i ta dura te 5 or di mainta.
E plan original pa e último dia di aña tabata pa e toke de keda kuminsá 1 or di mardugá.
Di 1e pa 10 di yanüari Peña a indiká ku e restrikshon lo apliká entre 5 or di atardi pa 5 or di mardugá den dianan di siman i 12 or mèrdia pa 5 or di mardugá fin di siman.
“Nos ta pidi e sakrifisio pa e 10 dianan aki”,asina e responsabel a bisa den n konferensha di prensa.
E kantidat di kasonan konfirmá di COVID-19 a yega djamars na 168.265 den e pais karibense aki kaminda outoridatnan ta kere ku nan ta pasando den e di dos ola di e vírùs.
E kasonan a subi ku 31.7% na desèmber.
