CARRIZO SPRINGS, TEXAS, MERKA, AP.- Un kampamentu den un zona rural na Texas, usa pa trahadónan den e industria di petroli den pasado a bira e sentro di detenshon nobo pa migrantenan menor di edat.
Tin un kancha di futbòl presente i un sala enorme ku èrko i tambe vehíkulonan rodante kaminda e menornan por haña lès.
Departamento di Salu i Servisio Humano (DSSH) a bisa ku tin 225 menor detené den e instalashon di Carrizo Srings, kual estado lo amplia pa akohé un kantidat mas grandi di 1.300 menor.
E gobièrnu a indiká ku e instalashon nobo lo permití Patruya di Frontera pa deshasí mas lihé di e muchanan i tambe evitá ku nan ta wòrdu desplasá pa sentronan manera esun na Clint, Texas, kaminda un grupo di abogado a informá ku 250 menor ta detené den sel i ta haña alimento, awa i atenshon sanitario inadekuá.
DSSH a bisa ku e instalashon di Colorado Springs ta ofresé un ambiente kómodo na e muchanan miéntras nan ta warda riba un pariente òf un tutor.
Pero defensornan di e kousa i otronan ta asosiá e sentronan aki ku un prizòn pa menor i ta teme ku e aislamentu ta difikultá e proseso pa haña un abogado adekuá ku por yuda e adolesente ku su kaso. Aktivistanan a afirmá ku e sentronan di detenshon mas grandi di DSSH a troumatisa e menornan pa motibu di sobrepoblashon i skarsedat di personal den e instalashonnan.
“Tur esaki ta parti di un sistema ku no tin moral”, asina e representante demókrata Joaquin Castro a deklará.