EL CAIRO, AP.- Por lo ménos sinku manifestante a muri na man di seguridat di Sudan durante e último 24 oranan, segun indikashon di e organisadónan di e protestanan kontra gobièrnu.
E kongregashonnan mas grandi a tuma lugá djasabra den mas di tres luna di protesta eksihiendo renunsia di e presidente, Omar al-Bsashir.
Kuater persona a muri den e kapital, Jartum, na momentu ku forsanan di seguridat a purba plama e multitut ku tabata yegando serka di e kartel general di Ehérsito, segun indikashon di e bosero di Asosiashon di Profeshonalnan Sudanes, Sarah Abdel-Jaleel.
Un otro manifestante a muri den e siudat bisiña di Omdurman, segun e bosero.
E bosero di polis, general Hashim Abdel-Rahim, a bisa ku un persona a muri “durante e disturbionan na Omdurman” segun deklarashonnan sita pa e agensia di notisia estatal SUNA.
Por lo ménos 60 persona a muri na komienso di e protestanan, segun gruponan internashonal di derechi humano.