MADRID, SPAÑA, AFP.- Madrid a informá djárason ku kier repatriá 3.000 turista spañó pegá den Maroko pa motibu ku e nashon a suspendé tur buelo pa Spaña debí na e pandemia.
Rabat a anunsiá djamars último ku ta kanselá tur buelo ku Spaña i Fransia pa kontené ekspanshon di COVID-19.
“Esaki ta un ehèmpel mas ku nos mester ta mas responsabel ku biahamentu aktualmente. Pa motibu di insertidumbre i mirando e kondishonnan di akseso den otro paisnan, ta konsehá tur hende pa no biaha”, asina e minister di Eksterior, Arancha Gonzalez Laya a bisa.
E no a duna detaye tokante e plan pa repatriá e turistanan.
Maroko ta un di e destinonan turístiko di mas popular den Afrika, ku 13 mion bishitante registrá den 2019, segun Organisashon Mundial di Turismo di Nashon Uni.