Spaña ta suavisá normanan di inmigrashon pa kompensá pa skarsedat di obra di man

MADRID, Spaña, AFP.- Gobièrnu di Spaña a suavisá leinan di inmigrashon djamars den e pais pa fasilitá ku siudadanonan for di Union Europeo por traha den e pais pa enfrentá e skarsedat di obra di man den áreanan manera turismo i agrikultura.
Segun un reforma aprobá den un reunion semanal di gabinete, estranheronan ku a biba den e pais durante dos aña òf mas por entrega un petishon pa residensia temporal.
E reforma lo permití ku studiantenan internashonal por traha te ku 30 ora pa siman miéntras nan ta studia i kuminsá traha na Spaña pa finalisá nan estudionan.
Tambe lo fasilitá visa di trabou pa estranheronan drenta Spaña i okupá puestonan di trabou den zonanan ku skarsedat di obra di man.
E minister di Seguridat Sosial i Migrashon, Jose Luis Escriva, a bisa ku e intenshon di e reforma ta pa “motivá inmigrashon regular, ordená i seif”.
Siudadanonan di nashonnan di Union Europeo por biba i traha na Spaña, pero esaki no tabata sufisiente pa yuda aliviá e skarsedat di obra di man.
Spaña tin programanan di migrashon ku Maroko, Ecuador i Colombia pa aliviá e skarsedat di trabou den áreanan spesífiko.