PARIS, FRANSIA, AFP.- Klientenan di Amazon Prime den sinku pais Europeo a haña sa djamars ku nan mester paga mas sèn pa e plataforma su servisio di delivery.
Amazon a bisa ku e oumentonan aki ta pa motibu di kostonan haltu di operashon manera preis di gasolin ku a subi.
Na komienso di sèptèmber, klientenan na Fransia lo mester paga 43% mas tantu pa un suskripshon anual. Italianonan ta haña un oumento di 38,6%, Spañónan 30,3% i Británikonan i alemannan 20%.
E subida di preisnan ta inkluí akseso na Prime Video tambe den e paisnan. Un kantidat chikitu di klientenan rabiá a anunsiá nan intenshon pa kanselá e servisio riba Twitter.
