RIAD, SAUDI ARABIA, AFP.- E prens heredero di Saudi Arabia, Mohammed Bin Salman, lo biaha pa Gresia djamars i despues Fransia. Esaki lo bira su promé bishita ofisial den Union Europeo despues di asesinato di e periodista Jamal Khashoggi, segun informashon di e agensia ofisial.
Mohammed bin Salman lo reuní ku “dirigentenan di Gresia i Fransia pa papia tokante nan relashon bilateral i formanan pa fortalesé esaki den diferente área”, segun indikashon di agensia SPA, sitando un komunikado di prensa.
Mohammed Bin Salman, gobernante di e pais a keda kritiká pa paisnan oksidental, pa asesinato di e periodista Jamal Khashoggi den konsulado di su pais na Istanbul na aña 2018.
Servisio di inteligensia merikano a bisa ku Mohammed Bin Salman ta responsabel pa e asesinato.
Home Mundu Internashonal Prens heredero saudi ta bishita Gresia i Fransia, su promé biahe despues...
