BEIJING, AP.- Tesla ta enfrentá un problema nobo riba e sistema di piloto outomátiko di su vehíkulonan despues ku e kanal di televishon chines Testala a sostené ku un hòmber a muri den un aksidente di outo i a aktivá esaki nèt promé ku e insidente a tuma lugá.
CCTV a transmití e rapòrt djarason riba un dalmentu den yanüari ku a mata Gao Yanning, di 23 aña, e rapòrt a inkluí un video di kámara na bordo, ku ta mustra e outo miéntras el a dal kontra un trùk ku tabata desplasando slou riba kaminda.
Un funshonario entrevista den e rapòrt ta bisa ku e sistema yama, Autopilot, tabata aktivo na momentu di e dalmentu. CCTV a bisa ku e famia di Gao a demanda Tesla den tribunal di Beijing, pero e demanda no tabata disponibel e dokumentonan di korte ni riba Internèt. Funshonarionan den tribunal no a kontesta telefon djaweps.
Tesla a bisa den un deklarashon ku e outo a sufri demasiado daño den e dalmentu pa por a transmití datonan na server di e kompania i ku e kompania di Gao no a koperá ku e investigashon di tesla.
“Nos a purba di traha ku nos kliente pa investigá e kousa di e aksidente, pero nos no a haña ningun informashon adishonal”. Asina Tesla a informá.
