NASHONNAN UNI, MERKA, AFP.- Talibannan a emití un òrdu pa prohibí ku muhénan afgano empleado di Nashonnan Uní por traha den kualkier parti di Afganistan, segun indikashon di e bosero di e organismo internashonal, denunsiando un desishon “inaseptabel i frankamente inkonsebibel”.
E bosero di e Sekretario General di Nashonnan Uní, Stephane Dujarric a señalá ku e grupo a pone nan na altura ku e prohibishon ta konta den e pais kompleto.
E mishon di e organismo na Afganistan (UNAMA) a sigurá anteriormente ku e empleadonan afgano te ainda ta eksonerá di e tipo di medidanan restriktivo aki, i nan a wòrdu prohibí pa traha den e provinsia di Nangarhar na ost di Afganistan.
Dujarric a bisa ku funshonarionan di Nashonnan Uní lo reuní ku outoridatnan na Kabul djárason pa haña klaridat riba e desishon aki.
