GUANICA, PUERTO RICO, AP.- Un temblor di magnitut 5,8 a afektá Puerto Rico riba djaluna mardugá, provokando un blackout i dañonan grave na algun kas. Esaki tabata un di esnan mas potente registrá riba e teritorio merikano.
Te ainda no a reportá ningun morto.
Outoridat a registrá un di dos temblor djaluna, 10:51 di mainta. Esaki a kousa miedu entre e residentenan na sùit di Puerto Rico, kende a sali pafó di nan kas pa warda dor ku mayoria bibienda a sufri daño. E edifisionan no ta safe tampoko.
E promé temblor a wòrdu registrá 06:2 di mainta na sùit di e isla, ku un profundidat di 10 kilometer, segun Servisio Geológiko di Merka. No tabatin ningun menasa di tsunami segun indikashon di outoridat.
E direktor di emergensia di Ponce, Angel Vazquez a bisa ku esaki tabata e temblor di mas fuerte desde ku e isla a kuminsá tembla riba 28 di desèmber.
Puerto Rico a registrá su temblor mas fuerte i devastador na aña 1918 den luna di òktober. E temblor di magnitut 7,8 a impaktá kosta nortwèst di e isla i a originá un tsunami i provoká morto di 116 persona.
