DAMASI, GRESIA, AFP.- Un temblor fuerte di 6,3 den Gresia a herida desénas di persona i kousa daño na edifisionan djárason.
E servisio i ambulans di e estado a indiká ku a duna asistensia na dies persona levemente heridá, spesialmente den siudat di Larissa. Un hòmber di 55 aña a keda interná ku herida na su kabes segun indikashon di supervisor di un hospital lokal na AFP.
Por lo ménos shen kas i otro edifisionan den e área inkluyendo vários misa a sufri daño. Tabatin diferente réplika despues di e temblor inisial serka di Larissa, kousando pániko den e área.
Gresia ta wòrdu afektá sporádikamente pa temblornan, pero mayoria biaha esakinan ta pasa den laman i no ta kousa morto òf dañonan ekstensivo.
E último temblor fatal tabata den òktober 2020 entre e isla Griego Samos i e siudat Izmir na wèst di Turkia. Esaki a kousa 114 morto en Turkia i mas di 1.000 persona a keda heridá.
