ROMA (AP).- Un temblor ku a ser stimulá dor di erupshon for di Mount Etna na ost di Sicilia djárason, a laga por lo ménos 10 hende heridá, kousando daño na misa i kasnan ku ta keda na pia dje volkan, poniendo ku hopi hende a drenta pániko i bandoná nan kas. Ofisialnan pa protekshon sivil na Italia a duna di konosé ku e temblor a surgi den oranan di mardugá i tabata parti di un kantidat di mas ku 1.000 temblor chikí ku apénas por a sinti pero ku tin tabatin di aber ku erupshon di e volkan Etna e siman aki.
E temblor a afektá nort di Catania, ku ta e siudat di mas grandi den ost di e isla mediteráneo, aunke no a reportá ningun daño òf herido.
E instituto nashonal sismológiko di Italia a deklará ku e temblor tabatin un magnitut di 4.8 grado riba skala di Richter i 4.9 grado na e momentu ku el a aktivá na tera, ku tin di aber ku e kantidat di aktividat ku el a monta. E temblor a surgi na un profundidat di 1 kilometer den suela bou di e seru.
Etna, ku ta un di e volkannan ku ta ser kontrolá hopi djaserka dor di sismólogo i geólogonan, ta e volkan di mas grandi den e tresnan aktivo na Italia, i e ta aktivo for di yüli dje aña aki.
