CARITA BEACH (AP).- Outoridatnan na Indonesia a pidi tur hende pa evitá di bai den e arianan dje kosta unda un tsunami a mata por lo ménos 430 persona den e fin di siman ku a pasa, ku ta parti tambe di un atvertensia ku a rekordá e katástrofe di 2004 ora ku a surgi un temblor.
E servisio di meteorologia Indones i e agensia klimatológiko a pidi hendenan pa nan keda por lo ménos un 500 meter te ku 1 kilometer leu for di kosta pa evitá mas problema. E agensia a bin ta monitòr e volkan Anak Krakatau i su erupshonnan, miéntras ku wer di tormenta i olanan haltu ketu bai ta sutando e aria. Tur e kondishonnan aki ta potensial pa kousa un inundashon di lodo ku ta bini for di krater di e volkan mes, i nan ta teme ku esaki lo por kousa un tsunami atrobe. Nan a pidi e komunidatnan pa nan keda vigilá e situashon, aunke no tin mester di drenta pániko.
