ALGIERS, ALGERIA, AFP.- Un èks promé minister mas a wòrdu detené, segun indikashon di medionan, kombirtiendo e den e terser èks promé minister ku ta wòrdu akusá ku korupshon.
Un hues di Algiers a pone Noureddine Bedoui, 62 aña, bou di supervishon di korte i a konfiská su pasport, pero un otro korte a disidí ku lo detené e èks premier djamars.
Bedoui a sirbi komo promé minister na komienso di 2019, despues ku el a wòrdu nombrá pa presidente Bouteflika pa remplasá premier Ahmed Ouyahia dor di protestanan.
Pero Bouteflika su medidanan no a yuda, i tres siman despues el a renunsiá, kabando ku dos dékada di gobernashon.
Ouyahia i èks premier Abdelmalek Sellal a haña sentensianan largu den prizòn pa korupshon.
Despues ku Bouteflika a renunsiá, fiskalnan a lansa un serie di investigashon di korupshon kontra vários persona den su sirkulo. Vários persona liga na Bouteflika a haña sentensianan largu den prizòn, inkluyendo su ruman hòmber, Said.
