ACAPULCO, MEXICO, AFP.- Desénas di persona a manifestá na Acapulco kontra asesinato di periodista Fredid Roman, ku tabata skibi un kolumna polítiko i publiká informashon riba su retnan sosial.
Roman ta bira un di e desénas di periodistanan asesiná te ainda na Mexico e aña aki. E manifestantenan ta eksihí un investigashon profeshonal pa determiná kousa di e atake.
Mexico ta wòrdu konsiderá komo un di e paisnan di mas peligroso pa prensa.
Fiskal estatal a indiká den un komunikado ku lo investigá si e kaso di Roman ta liga ku asesinatonan di su propio yu i un hòmber mas riba 1e di yüli último.
Te ku djaweps, gobièrnu a dokumentá morto di 12 periodista pa e aña aki. E ONG Reporteronan Sin Frontera (RSF) a señalá ku dies di e kasonan aki ta relashoná ku e fishi.
