WASHINGTON, MERKA, AFP.- Un hòmber a lòs bala den un klínika den estado di Minnesota djamars lagando vários herido. E sentro di salú a reportá un eksploshon tambe segun medionan lokal.
E insidente a sosodé algu promé ku 11 or di mainta den e klínika Allina Health den siudat di Buffalo. Polis a arestá e sospechoso segun informashon di Star Tribune sin spesifiká si a trata di esun ku a kometé e akto.
Mei ora despues di e tiroteo un artefakto a eksplotá, obligando evakuashon di e personal médiko den e klínika segun Star Tribune.
