SANTIAGO DE CHILE, AP.- Argumentando ku e ta sufri di demensia miksto, un hues a ordená pa liberá un di e dos hòmbernan ku a torturá i provoká morto di general Alberto Bachelet, tata di presidente chileno Michelle Bachelet.
Segun un komunikado publiká djamars pa e poder hudisial, Edgar Vevallos Jones, un komandante hubilá di Forsa Aéreo, kual ta afektá pa un demensia miksto. E desishon di su liberashon a tuma lugá despues di eksámennan físiko i sikiátriko.
Cevallos Jones i su kamarada Raon Caceres a wòrdu kondená aña pasa pa Korte Supremo i kuater aña di prisòn pa torturá tata di Bachelet te ora el a muri. El a fayesé den prizòn den luna di mart na aña 1974.
