SACRAMENTO, CALIFORNIA, MERK, AP.- Tres mucha a wòrdu asesiná pa nan tata den un apartamentu di California despues di un insidente di violensia doméstiko ku su kasa. Asina outoridat a informá djaweps.
E agentenan di Patruya di kaminda na California a detené Robert Hodges, di 33 aña, riba karetera interestatal 80 den Sacramento den oranan trempan di djaweps. Polis no a revelá kon e muchanan a wòrdu asesiná.
Kinney a indiká ku e mama tabata víktima di violensia doméstiko, pero e gravedat di su heridanan no tabata konosí.
E víktima no a presensia kon Hodges a mata e muchanan, kompará ku loke a wòrdu informá inisialmente. E kanal di televishon di Sacramento KCRA a informá ku Kinney a bisa ku e muhé tabata testigu di e asesinatonan.
Kinney a agregá ku e investigadónan a indiká ku simplemente e tabata “hopi serka” di e asesinatonan.
E bisawela di e muchanan a bisa ku e famia no tabata sa di niun disputa matrimonial entre e pareha.
E pareha tabatin mas di un desena di aña kasá i tabatin un yu di 11 aña, un yu muhé di 9 i un beibi nasé den yanüari.